شەفەق نیوز/ شانەی راگەیانن ئاسایش عراق، ئمڕوو چوارشەممە، خەوەردا، دەزگای ئاسایش نیشتمانی  9 کەس لە چوار پارێزگا دەسگیرکردنە ک دەسداشتنە لە بڵاوکردن ئەو ئامێرەیلە لە قۆپیەکردن تاقیکردنەوە وەکارتێد.  

لە بەیاننامیگ رەسیە ئاژانس شەفەق نیوز وت، لە ماوەی وەدویاچگن مەیدانیانە ئەرا ناوەندەیل تاقیکردنەوە وە ئامانج توومارکردن پسایەیل قۆپیەکردن ئەلکترۆنی و نواگیریکردنی و پارێزگاریکردن لە وەرێوەچگن پرۆسەی خوەنین لە عراق، مەفرەزەیل دەزگای ئاسایش نشتمانی توەنستنە لە دویای وەرگردن رەزامەندی دادگا 9 کەس دەسگیر بکەن  وە توومەت قۆپیەکردن ئەلکترۆنی لە پارێزگایەیل (کەرکوک و موسەنا و بابل و سەڵاحەدین). 

وتیش، دەسنریایە وەبان ئامێریگ وایەرلێز و بیستۆک بویچگ قۆپیەکردن ک ئەرا پەیوەندیکردن وەگەرد خوەنەوارەگە وەکارتێد لە مەوقەی تاقیکردنەوەی وەزاریەگە، دیاریکرد، تۆمەتبارەیل وەگەرد ئەو چشتەیلە ک دەس وەبانیان نریا ئەرا دادگا کلکریانە تا وەپای یاسا سزا بیریەن.