شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە دەسگیرکردن پیایگ کە نووشەمەنی کحولی وە مناڵەگەی دایە لە شار فەلوجە لە پارێزگای ئەنبار.
سەرچەوەگە وە ئاژانس شەفەق نیوز خەوەردا، دەزگای ئاسایش نیشتیمانی لە پارێزگای ئەنبار کەسیگ دەسگیرکردن کە لە پارچە ڤیدیۆیگ لەبان تووڕەیل کۆمەڵایەتی دەرچگە کە مەی نووشێد و دەێد وە مناڵە بویچکەگەی لە قەزای فەلوجە.
سەرچەوەگە ئاشکرایکرد، "ئۆپراسیۆنەگە لە دویای وەدویاچگن هویردیگ ئەرا پارچە ڤیدیۆگە هات کە کاردانەوە دروسکردبوی " دیاریکرد "توومەتبار ئەرا لایەنەیل پەیوەنیدار کلکریا تا رێکار یاسایی وەرانوەری بگیرێدەوەر".