شەفەق نیوز/ نووسینگەی راگەیانن سەرۆک وەزیرەیل عراق بەیاننامەی هاوبەشیگ وەگەرد دۆناڵد تڕامپ سەرۆک ئەمریکا دەرکرد، لە کۆتایی گفتوگۆە هاوبەشەگە لە ماڵ چەرمگ.

عراق رێککەفتنیگ بایی ٨ ملیار دۆلار لە واشینتون واژوو کەێد

لە بەیاننامەگە هات: هاوبەشیە ستڕاتیژیەگەی ناوبەین عراق و ئەمریکا لەبان ئارازو هاوبەشیگ لە ئەنجامداین ئاسایش وگەشە بینا کریاگە.

وەگەرد یەک، هاوپەیمان ناودەوڵەتی دژوە ریخریاگ داعش، ک ئەمریکا سەرپەرشتیاریی کەێد وەگەرد هێزەیل ئەمنی عراق،  توێنست داعش و خەلافەتەگەی ویران بکەێد، و ئیمە وەردەوامیمن لە هەماهەنگی ئەرا دووپاتکردن ک داعش هەڕەشیگ لەبان عراق یا هەر وڵاتیگ تر درەوس نیەکەێد.

ئیمە لە نووەو دووپاتکەێمن لە پابەندی دریژ وەختیگ لە هەماهەنگی ئەمنی دووانی، ئەرا بیناکردن توانایل سوپای عراق و ئەرا نواگردن هەڕەشەگان ئەرا بەرژەوەنی هاوبەشمان.

هاوکاری ئەمنیمان بنەمایگ دانەێد ئەرا فراوانکردن تەقەلایل هاوکاریمان لە چینەیل ئابووری، و مرۆیی، وسیاسی، ورووشنهویری.

پەتای کۆڤید-١٩ دووپات کرد لە گرنگی کارکردن وەگەرد یەک ئەرا بینای عراقیگ گەشەکردگ وئارام، بتوێنێد دەرفەتەیل کار و خزمەت گەل عراق وەدەس بارێد، وجوور هێزیگ پاڵپشت ئەرا ئارامی لە خوەرهەڵات ناوڕاس کار بکەێد.

تڕامپ: هێزەیلمان لە عراق ئەرا نواگردن هەر جوولەیگ ئیرانی.. کازمی: ری نیەیمنە دەرسوەردان تورکی.