شەفەق نیوز/ مستەفا کازمی سەرۆک وەزیرەیل عراق، ئمڕوو دووشەممە،  وەیاوەری شاندیگ ئەمنی و سەربازی پایەبەرز،  رۊ وەرەو هەولێر کەێد، ئەوەیش ئەرا باسکردن لە رەوشەیل دۊای پەلامار مووشەکی ئیران لەبان شارەگە.    

سەرچەوەیگ چەودیر ئەرا ئاژانس شەفەق نیوز وت " مەسرور بارزانی سەرۆک حکومەت هەرێم کوردستان ئەوەسا کەفێدە پیشوازیکردن کازمی و شاند یاوەری ک عوسمان غانمی وەزیر ناوخۆ، جمعە عناد وەزیر وەرگری،  و قاسم ئەعرەجی ڕاوێژکار ئاسایش نیشتمانی هاناویان.  

سەرچەوەگە وتیش " کازمی ئەوەسا گردەوبۊنیگ وەگەرد وەرپرسەیل لە حکومەت هەرێم کوردستان کەێد، و هەمیش شاندەگە سەردان ئەو شۊنە کەێد ک مووشەکەیل کەفتنە ناوی.