شەفەق نیوز/ وەڕیەوبەرایەتی گشتی هەواڵگری و ئاسایش، ئمڕوو جمعە، خەوەردا کە توەنست ژینگ رفیای بیگانە ئازاد بکەێد، وەگەرد دەسگیرکردن بڕفنەیلی کە ئەوانیش بیگانەن، ئەوەیش لەناو شوقەیگ لە بەغداد پایتەخت.
وەڕیەوبەرایەتیەگە لە بەیانامەیگ ئمڕوو دیاری کرد کە دویای رەسین زانیاری هەواڵگری وەلایەن وەڕیەوبەرایەتی هەواڵگری و ئاسایش بەغداد، وە دویەتیگ بیگانە رفیایە، و دویای وەشوینکەفتن زانیاریەیل و وەرگردن مووڵەت دادوەری، مەفرەزەیلکان توەنستن وە هەماهەنگی وەرد هیزیگ ئەمنی هاوبەش دویەتەگە لەناو شوقەیگ لە ناوچەی کەڕادە ناوڕاس بەغداد پایتەخت پەیا بکەن.
وتیش: ئی دویەتە کەفتیەسە وەر شکەنجە وەلایەن بڕفنەیلی کە هیزەگە دوو توومەتبار وە رەگەزنامەی بیگانە لەناو شوقەگە دەسگیر کرد، و دریانە دەس لایەنەیل پەیوەندیدار.