شەفەق نیوز/ رۆژنامەنووسەیلیگ لە کەناڵ دیجلە ئاشکراکردن لە وەگردن هەڕەشەیلیگ ئەرا لەناوبردنیان، دویای ژاوەژاویگ لەدویای پەخشکردن بەڕنامەیلیگ خوەشی وگورانی لە رووژ عاشووڕا. ناڕەزایەیلیگ تۆڕە لە شیعە چینە ناوکەناڵ ئاسمانی دیجلە لەناوچەی جادریە لەناوڕاس بەغداد، دویای پەخشکردن کەناڵ گورانی دیجلە ئەرا گورانیەیلیگ لە رووژ عاشووڕا ک جوور پێشێلکارییگ دژوە شەعایر حوسەێنی دانانەی. ناڕەزاگان پێکهاتەیل بیناگە شکانن ئیجا ئاگری دان و نەیشتن تیمەیل وەگری مەدەنی ئاگرەگە کپەو بکەن. بەیاننامەی کۆمەڵیگ لە رۆژنامەنووسەگان وت: جوور پەیامنێر لە کەناڵ ئاسمانی دیجلە کارکردیایمن، ودویای ژاوەژاوەگە لەبان کەناڵەگە لەوەر ''دیجلە گورانی'' ک هیج دەسەڵاتیگ لەلی نەیریمن، وکارەگان زیاتر کەفتنە گیچەڵ لە ناکۆکیەیلیگ ک ئیمە هیچ دەسی لەناویان نەیریمن، ودویای هەڕەشە وپەلامارەگە ک وەپیمان وتن گوایە ئیمە لایەنگرەیل بکوشەیل حسێن ولایەنگر ئیسڕائیلیمن وهەمیش توومەتەیلیگ تر، وئەرا رێزگردن پیشەگەمان و نواگردن لە هەرکەسیگ وەکارمان بارێد ئەرا لەناوبردن، ئەوەسە دەسکیشایمنەو و واز لە تەنیا سەرچەوەی داهاتمان هاوردیمن، وەئومید دەرچگنمان لەی گیچەڵە. بەیاننامەگە وتیش؛ بەڵکم وەداخەو ک هەڵمەت نوویگ دەسکردە پی، ک ئووشن دەسکیشانەوەگەدان دروکانیە، وئامنجەگەی ئەرا وەجیهاوردن پڕۆژەیلیگ ترە، وئیوە بەشدارین لە هەڵەگە وبایەسە سزادان بیریەێد تا بوینە واتەیگ ئەرا ئەواکان، وهەڕەشە وهانداینەگان ئەرا قاوداینمان لە پارێزگایلمان دەسکردەپی، و جاروباریش نامەیل هەڕەشە و لاناوبردنمان رەسیە پیمان، وهەمیش هاتن کۆمەڵە چەکدارەیلیگ ئەرا شوون کارەیلمان و ماڵەیلمان، وشایەت لە هەڵمەت تووڵەکردنیگ ئەرا کارەیلمان لە خۆپیشاندانەگان عراق بوود وبڵاوکردن وەردەوامی لە پارێزگاگانمان وەشیوەی روون وپیشەیی. وتیش؛ لەوە خراوتر ئەوەسە ک وەزوور لەماڵەیلمان دەرچگیمن وخیزان وسەرچەوەی داهاتمان هیشتیمنە جی ئەرا مقەیەتی گیان خوەمان، وخەوەردار لایەنە پەیوەندایدارەگان کردیمن جوور ساندیکای رۆژنامەنووسەیل و کۆمەڵە گشتیەگان ئەرا مقەیەتی رۆژنامەنووسەیل ئەرا مقیەتی ماف یاساییمان و دەسمیەتیمان ئەرا شکستهاوردن وە پلانەیل ئەو لایەنەیلە ک خوازن لەناومان بووەن، ک کارەگە زیاتر ئاڵوزەوکرد لە بەیاننامەیلیگ لە بەشیگ لە پارێزگارەگان دژوە نووسینگەیل کەناڵەگە لە پارێزگاگانمان، و وەشوونکەفتنمان وە نەیشتن هێزە ئەمنیەگان هاوکارمان بوون، هەرچەن هیچ نووسینگەیگ لە پارێزگاگان نیە، ولەبان گشت بەڵگەگان کباسیان کردیمن وخستیمنەیانە وەردەس، بەڵکم گشتیان واز لەلیمان هاوردن وەگەرد ساندیکای رۆژنامەنووسەیل و فرەی رێکخراوەگان ک گوایە خوەیان وەمقەیەتی رۆژنامەنووسەگان دانەن، مەگەر تەنیا چەن تەقەلای تاکانەیگ لە هاوڕێەل دڵسوزیگ و تووڕ ئەنسم ک ئەمنیگ ژمارەیی ئەرامان دابینکردن و چەن پەیامیگ ئەرا لایەنە ناودەوڵەتیەگان رەوانە کردن. ئەرا وە ئەرا گشتی ئووشیمن، ک هەرچە وەسەرخوەمان وخیزانەیلمان هات، هالە گەردن ئەوانەگ وەدژمان وەئاشکەرا هاندان، وئەوەگ بەیاننامەیل هاندەر دەرکرد، وئەوەگ لەبان ماف یاساییمان بەیدەنگەوبوی، لەو لایەنەیلە ک ناویان هاوردیمن وهیچ جوولەیگ نەکردن وگشت بەڵگەگان هاوەدەسمانەو، و ئەرا رۆژنامەنووسەیل لە عراق ئووشیمن؛ بیدەنگی ئیوە وەرانوەر ئی کارەیلە ئەوسا کەلتور لەناوبردن هەر دەنگیگ راگەیانن پەیاکەێد، وەدەسپیچکەیل بی خود وشیوەیگ ئاشکرا.