شەفەق نیوز/ فراکسیۆن پارت دیموکراتی کوردستان لە ئەنجومەن نۆێنەران عراق، ئمڕوو یەکشەممە، دووپات کرد ک حکومەت هەرێم توانای ئەوە نەیرێد زیاتر لە ٢٥٠ هەزار بەرمیل بیەێدە دەس بەغداد، و ئاماژە کرد ک بەش هەرێم لە یاسای بوودجەگە لەی هەفتە یەکلاوە کریەێد، دویای سەردان شاندە کوردیەگە ئەرا بەغداد.
مەیادە نەجار نۆێنەر پارت دیموکرات کوردستان ئەرا ئاژانس شەفەق نیوز وت: هەرێم پابەندە وە دەق یاسای بوودجەەگە وەدەسداین ٢٥٠ هەزار بەرمیل لە نەفت خام ئەرا حکومەت فیدڕاڵی.
وتیش؛ حکومەت هەرێم توانای زیاتر لە ٢٥٠ هەزار بەرمیل نەێرێد بیەێدە دەس بەغداد، چوونکە ئەو نەفتە مدک لە کێڵگە نەفتیەگان دەرکریەن رەسنە ٤٣٠ هەزار بەرمیل وەگورەی مەزەنەی کۆمپانیای سۆمو، ١٥٠ هەزار بەرمیل لەلی ئەرا کۆمپانیا بەرهەمکار وگواستنەوەگان چوود، و ٣٠ هەزار بەرمیل چوود ئەرا وەکارهاوردن رووژانە، و ئەوەگ لە دەرکردن گشتی نەفت هەرێم مینێدەو خوەی ٢٥٠ هەزار بەرمیلە.
نەجار هەمیش دیاری کرد ک ئەوەسا شاندە کوردیەگە لەماوەی دوو رووژ ئایندە ئەرا یەکلاکردنەوەی بەش هەرێم وەگەرد فراکسیۆنە سیاسیەگان سەردان بەغداد کەێد، و دووپات کرد ک لەی هەفتە بەشەگەی هەرێم یەکلاوە کریەێد، و ئیجا مەوقەی دەنگدان لەبان یاسای بوودجەگە دیاری کریەێد.