شەفەق نیوز- نەینەوا

فەریق یەکەم روکن عەبدولئەمیر یارەلڵا، سەرۆک ئەرکان سوپای عراقی، ئمڕوو سێشەممە، رەسیە کەرت ئۆپەراسیۆنەیل خوەرئاوای نەینەوا لە سەرۆکایەتی شاندیگ ئەمنی باڵا کە سەرکردایەتییەیل لە حەشد شەعبی لەخوەی گرد.

 سەرچەوەیگ ئەمنی ئەرا ئاژانس شەفەق نیوز وت کە سەردانەگە وە شیوەی یارەلڵا چۊ سەرۆک دەسەی ئەمنی باڵا تیەێد، ئەرا باس لە دۆسیەی تیکەڵکردن باڵەیل "وەرگری شنگال" لەناو دامەزراوەیل ئەمنی فەرمی و کووتاییهاوردن وە دەرکەفتەیل چەکداری بیسەرووەرە لە قەزاگە.

لە لای خوەیەو وەزارەت وەرگری عراقی لە بەیاننامەیگ وت، کە یارەلڵا رەسیەسە قەزای شنگال، وە یاوەری شاندیگ سەربازی ئاست باڵا، ئەرا یەکلاییکردن دۆسیەی ئەمنی لەورا و هەڵسەنگاندن ئامادەبۊن کەرتەیل لەناو کەرت وەرپرسیارێتی.

 ئی جۊلەیلە گرنگییگ فرە وەدەس تیەرن لەوەر هاوەختبۊنی وەرد نزیکەوبۊن مووڵەت 30 ئەیلول دیاریکریای ئەرا گیرهاوردن چەک لە دەس دەوڵەت، کە لە سای فشارەیل و داواکارییەیل ناودەوڵەتی و ئەمریکی تیەێد ئەرا کۆنترۆڵکردن ئاسایش و کووتاییهاوردن وە بۊین باڵەیل چەکدار لە دەیشت چوارچیوەی دەوڵەت ئەرا چەسپانن سەقامگیری لە شنگال و نەینەوا وە شیوەیگ گشتی.