شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان پارێزەریگ وە پەلاماریگ چەکدار، باکوور پارێزگای نەجەف.
سەرچەوەگە ئەرا ئاژانس شەفەق نیوز وت: پارێزەریگ لە ناحیەی حەیدەریە باکوور شار نەجەف، وە پەلاماریگ چەکدار کوشیا، وتیش: لەوەر ئەوە کوشیاس کە ئەرک وەرگریکردن یاسایی لەبان پارچە زەوییگ هەڵگردیە.
سەرچەوەگە وتیش: دویەکە ئەو پارێزەرە لە تەقەلای کوشتنی وە تلیان ماشینیگ قورتار بوی، دیاری کرد کە هیزیگ ئەمنی رەسیە شوین رویداوەگە، و تەرمەگەی ئەرا پزشک دادوەری کلکرد.
لەلای خوەییش، سەندیکای پارێزەریل بەیاننامەیگ لەبان کوشتن پارێزەر حەیدەر حسێن نزیک دادگای حەیدەریە وەدەس چەکدارەیلیگ نەناسیای دەرکرد، کە تەقە لەلی کردنە، و دویای کوشتنی وەرەو شوین نادیاریگ واینە.
وەگورەی بەیاننامەیگ رەسیە ئاژانس شەفەق نیوز، ئەو رویداوە پەیوەندی وە پارێزەریگ دیرێد ئەرک سکاڵایگ دادوەری هەڵگردوێد، و تاوانکارەیل چەن جاریگ هەڕەشەی دانە، تا نەکەفێدە شوین ئی سکاڵا.
بەیاننامەگە وتیش: هیزەیل ئەمنی توەنستن چەن کەسیگ دەسگیر بکەن کە گومان لەبانیان هەس.