شەفەق نیوز/ بەش تەندروسی گشتی لە تەندروسی زیقار، ئمڕوو چوارشەممە، راگەیان بەرزترین رێژەی تویشهاتن وە کولێرا لە پارێزگاگە توومار کریایە.  

حوسەین رەیاز  وەریەوبەر بەشەگە وە ئاژانس شەفەق نیوز وت: "بەش تەندروسی گشتی ئمروو وە یەکجار تویشهاتن 9 کەس وە بیماری کولێرا توومارکرد ک بەرزترین رێژەی تویشهاتنە لە مەوقەی توومارکردن بیماریگە  وەرجە 10 رووژ تا ئیسە.

وتیش؛ " شمارەی تویشهاتنەیل تا ئیسە رەسیە 23 تویشهاتن، لەمابەینیان هویچ مردنیگ توومار نەکریایە، دیاریکرد، " تەنیا دوو مناڵ تویشهاتنە". 

وەزارەت تەندروسی عراق، رووژ یەکشەممە، بەرزەوبوین تویشهاتن وە بیماری " کولێرا" ئەرا 160 پسای و دوو مردن راگەیان.