شەفەق نیوز/ نویسینگەی کۆمسیۆن ماف مرۆڤ لە سەڵاحەدین، ئمڕوو پەنجشەممە، توومارکردن ٢٤ خوەیکوشتن لەماوەی یەکەم نیمەی ساڵ ٢٠٢٢ راگەیان، لەوەر هووکار وهاندەرەیلیگ جیاجیا، و هەمیش دووپات کرد ک ئەو تەقەلایل خوەیکوشتنە ک شکست هاوردنە کەمە، و وەفەرمی توومار نەکریایە.
ئیدریس عیساوی وەڕیەوبەر نویسینگەگە ئەرا ئاژانس شەفەق نیوز وت: یەکەم نیمەی ئی ساڵە ٢٤ خوەیکوشتن وەخوەی دی ک وەفەرمی توومار کەریانە لە پارێزگاگە، لەوەر هووکار وهاندەرەیلیگ جیاجیا، لەلیان رەوش ژیان و گوزەرانی وئابووری وبیکاری وزوورویل لەبان خوەنەوار مەکتەوەیل ونخاڵەیل.
عیساوی وتیش: کاریگەری هووشبەری هووکار سەروکی لە خوەیکوشتن نروی، وتیش: نویسینگەگەی لە باوەت هوشیارکردن تەواویگ کار کەێد، و کارخانەی کار هەمەڕەنگ ووەردوامەیگ ئەرا نواگردن لە خوەیکوشتن وهاندان باوانەیل ئەرا دویرکەفتن لە زوور دەروینی ک رەسێدە هاندەرەیل رخبەریگ هیلێد خوەنەوارەیل و ناخاڵەیل خوەیان بکوشن.
داوایش لە لایەنەیل حکومەتی کرد وە چارەسەری گونجیاگ ئەرا گرفت بیکاری وبەد ژیانی وپاڵپشتیکردن تاکەیل بی داهات یا کەم داهاتەیل و دابینکردن دەرفەتەیل کار تا سیمای خوەیکوشتن کارەساتی لە کۆمەڵگا دویر بخەێد، وەگەرد هاندان پیاوەیل ئاینی و دامەزراوەیل شارستانی ئەرا هەڵمەتەیل روشنهۊریکردن کۆمەڵایەتی وئاینی تەواوکەریگ ئەرا نەیشتن سڕیان وەرەو سیمایلیگ هەڕەشەی ئارامی کۆمەڵایەتی دەێد.