شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە لاوردن وەڕێۆبەر پۆلیس فریاکەفتن بەغداد لە پۆستەگەی و هەواڵەکردنی ئەرا فەرماندەیی وەزارەت ناوخۆ.

سەرچەوەگە ئەرا ئاژانس شەفەق نیوز وت: فەرمانیگ وەلاوردن لیوا عەبدولکەریم ئیسماعیل لە پۆستەگەی جوور فەرماندەی پۆلیس فریاکەفتن بەغداد دەرچگ.

سەرچەوەگە دیاری کرد ک فەرمانەگە لە پشت پارچە ڤیدیۆییگ بڵاو فراوانیگ کریا هات، ک نشان دەێد ژنیگ پەیوەندی وە فەرماندەی پایەبەرزیگ کەێد ئەویش فەرمان تەواوکردن خاڵە ئەمنیەکان لەیەکیگ لە ناوچەیل بەغداد لەنوای ماشین ژنەگە دەێد و کابرایگ تر وەگەردی دیارە ئەندامیگ ئەمنیە، و دووپات لە دەنگەگە کریا و دەرکەفت ک دەنک فەرماندەی پۆلیس فریاکەفتنە.