شەفەق نیوز- نەینەوا
سەرچەوەیگ ئەمنی لە پارێزگای نەینەوا، ئمڕوو چوارشەممە، ئاشکرای هۊردەکارییەیل رۊداو هەڵسان کەسەیلیگ نەناسیای وە سزانن ماشین وەڕێوەبەر بەش چەودیاری تەندروسی لە پارێزگاگە، لە خوەرەڵات شار مووسڵ کرد.
سەرچەوەگە ئەرا ئاژانس شەفەق نیوز وت، کە کەسیگ نەناسیاگ ئاگر لە ماشین وەڕێوەبەر چەودیاری تەندروسی لە نەینەوا، عەزیز ریاز زەر داگە، مەوقەی وسیانی لە گەڕەک غوفران لە دیم چەپ (خوەرهەڵات) شارەگە، و دیاری کرد کە ئەو ماشینە کە کریاسە ئامانج لە جۊر "هیۆندای توسان" رەنگ چەرمگە، مۆدێل 2020.
هەمیش وت کە خاوەن ماشینەگە لە سەرەتای کارەگە باوەڕی ئەوە بۊە کە ئاگرەگە لە ئەنجام رۊداویگ لەناکاو یا شۆرت کارەباییەو رۊ داگە، و سکاڵا دژ وە هیچ لایەنیگ توومار نەکردگە لەوەر ئەوەگ ئاگادار نەۊە لە بۊین ناکۆکی یا مدووەیلیگ کە بوونە مدوو ئامانجگردنی، وەلی چەوپیاخشانن و دراوردن توومارەیل کامێرەیل چەودیاری لە دەورگرد شوین رۊداوەگە چەسپانن کە ئاگرەگە وەدەس کەسیگەو بۊە.
سەرچەوەگە وتیش کە دەزگایەیل ئەمنی لێکۆڵینەوەیگ فراوان لە رۊداوەگە واز کردنە و وەردەوامن لە وەدۊاکەفتن تاوانبارەگە لەبان بنەمای ئەو دیمەنەیلە کە کامێرەیل تووماریان کردنە ئەرا ناسین ناسنامە و مدووەیلی و پیشکەشکردنی ئەرا دادگا.