شەفەق نیوز/ پۆلیس پارێزگای دیوانیە، ئمڕوو یەکشەممە، دەسگیرکردن کابرایگ راگەیان ک پۆلیسیگ هاتوچو تلانیە، ولە شوین رویداوەگە وایە.
پۆلیس دیوانیە لە بەیاننامیگ رەسیە ئاژانس شەفەق نیوز وت: یەکیگ لە دەوریەیل پۆلیس فریاکەفتن لە دیوانیە، ئاگادارییگ لەلایەن خاڵ ناوەندی پۆلیس وەرگرد، و توەنست کابرایگ دەسگیر بکەێد دویای ئەوە ک پیاویگ لە پۆلیس هاتوچو لە دوڕیان نەسر تلانیە، ک وەماشینەگەی وە پیچەوانەی ریەگە هاتیە، و لە شوین رویداوەگە وایە.
وتیش: دادوەر ئەو کابرا بەندی کرد، تا هەواڵەی داگا بکریەێد.