شەفەق نیوز/ سەرچەوەیگ ناوخوەیی، ئمڕوو دووشەممە، خەوەردا لە مردن مناڵیگ لە ئەنجام کەفتنە ناو یەکیگ لە چاڵەیل ئاوەڕۆ لە شار سەدر خوەرهەڵات بەغدای پایتەخت.
سەرچەوەگە وە ئاژانس شەفەق نیوز خەوەردا، مناڵیگ 7 ساڵان، شەوەکی ئمڕوو، کەفتیەس ناو یەکیگ لە چاڵەیل ئاوەڕوو کە شارەوانی کار لەناوی کردیە لە شار سەدر بویەسە هووکار مردنی.
دیاریکرد، تەرم مناڵەگە ئەرا پزیشک دادوەری کلکریاس، لەهەمان وەخت هێزەیل ئەمنی لێکۆڵینەوە لە رویداوەگە وازکردنە.