شەفەق نیوز/ فازڵ غەراوی سەرۆک ناوەند ستراتیژی ماف مرۆڤ، ئمڕوو شەممە، دووپات کرد کە بڕیگ لە ئاژەڵەیل هشکایی و ئاوی لە عراق کەفتنەسە ژیر هەڕەشەی فەوتیان، لەوەر ئاڵشتبوین کەشوهەوا.
غەراوی لە قسەیلی ئەرا ئاژانس شەفەق نیوز وت: عراق کەفتیەسە پلەی پەنجەم لە شمارەی ئاژەڵەیل ژیر هەڕەشەی فەوتیان لەناو وڵاتەیل عەرەب، و دیاری کرد کە دیارترین ئاژەڵ لە ناوچەیل ناوڕاس و باشوور و خوەرئاوای عراق ئاسک ریم، شکار کویە، و بوڵبوڵ گوپ چەرمگ، سەگ ئاوی، جەلەک، فيسقه، ماسی کوور، پەڵنگ، واشە، مار شاخدارە.
دیاری کرد کە هەمەڕەنگی بایۆلۆژی لە عراق کەفتە ژیر بڕیگ گاریگەری، گرنگترینیان ئاڵشتبوین کەشوهەوا و تەپوتووز و هشکەساڵی و کارەیل ئایەم، و راوکردن، و سزانن سزەمەنی و لاوردن دارسانەیل.
غەراوی داوا لە حکومەت کرد رڵکزوفتن رامسار ئەرا مقیەتیکردن هەمەڕەنگی بایۆلۆژی گورجەو بکەێد، و قەیەغەی راوکردن ئەو ئاژەڵەیلە بکەێد کە هانە ژیر هەڕەشەی فەوتیان، و جویر تاوانیگ بیەێدەی قەڵەم.