شەفەق نیوز/ سەرچەوەیگ وەرپرس خۆجێی، ئمڕوو سێشەممە، ئاشکراکرد لە ریکارەیلیگ ئەمنی لەسنور ناحیەی عزێم وەگەرد سەڵاحەدین ئەرا نواگردن لە کۆچبردن ئاواییگ کەفتە وەر پەلاماریگ لەلایەن داعش.
ئاوای هیتاویین ٦ کێلومەتر لە باکوور خوەرئاوای بەعقوبە، یەکشەمەی گوزەیشتە، کەفتەوەر پەلامار چەکداریگ، ٤ مەدەنی لەلی کوشیا و پەنجیش زەخمداربوی.
عەبدولجەبار ئەحمەد عوبەیدی وەرێوبەر ناحیەی عزێم ئەرا ئاژانس شەفەق نیوز وت: پاڵپشتیە ئەمنیەگە لە سنور سەڵاحەدین-دیالە بڵاوبوین، لە نزیک ئاوای هیتاویین ئەرا نواگردن لە دزەی ئەندامەیل داعش و هەر پەلامار تیرۆریگ و ئەرا دڵنیاکردن خەڵکەگە ونواگردن لە کۆچبردنیان ئەرا ناوچەیلیگ تر، ک شیوەی خراویگ نشان دەێد لەو ئارامیە ک گشت ناوچەیل ناحیەگە ئەرا چەن ساڵیگە وەخوەیان دوینن.