شەفەق نیوز ـ دیالە

ئەندام ئەنجومەن پارێزگای دیالە، ئەوس مەهداوی، ئمڕوو دووشەممە، ئاشکراکرد  نزیکەی 198 کارخانەی ساختە  لە شار بەعقووبە هەس، و دیاریکرد کە ئەو زەوییەیلە  ئەرایان  دیاریکریابوی کریانەس باڵەخانە و دوکان بازرگانی.

 مەهداوی ئەرا ئاژانس شفق نيوز وت: "رێککەفتنیگ لە یاسای   سرمایەگوزاری و گەشەدان پیشەسازی  لە دیالە و پارێزگاکان تر عراق هەس، چوینکە زەوییەیل  گەورە کە تا  هەفت هەزار مەتر چوارگووشە دریەێد ئەرا دروسکردن کارگە، جویر دارتاشی و بلوک و رەنگ و ساردەمەنی، وەرد  ئاسانکاری و پالپشتی، وەرانوەر کرا ساڵانەی دیاریکریاگ ئەرا دەوڵەت".

وتیش"سودمەنەیل ئێ زەویلەیلە و ئەو کەسەیلە و ئاسانکارییەیلە سودمەندن، کارگە دروسنەکردنە وەپای ئەوەگ لەبانی رێکەتنە، بەڵکم باڵەخانە و دوکان بازرگانی کریانە وە کرای دەێ هاوڵاتیەیل" دیاریکرد "تەنیا شار بەعقوبە نزیکەی 198 کارخانەی ساختە لەی جویرە گرێدەخوەی".

مەهداوی داوا کرد "کاغەز ئەو زەوییەیلە وە مەبەست وەبەرهێنان و ئەوزەڵداین پیشەسازی تەرخان کریابوی ئەرا دەسەی دەسپاکی کلبکریەێد، رێکار پێویست وەرانوەر سەرپیچیکەرەیل لە دیالە و گشت پارێزگایەیل تر عراق بگرێدەوەر".

 دووپاتکرد "وەکارهاوردن زەوی پیشەسازی ئەرا بازرگانی دژ ئامانج وەپیدانەگەس، زەرەد وەپیشەسازی رەسنن، گەنجەیل لە دەرفەت کار بیبەش کەێد، کە ئێ پرۆژەیلە دابینی کەن .