شەفەق نیوز/ وەزارەت وەرگری عراق، ئمڕوو یەکشەممە، پەیاکردن ٤٧ روفات قوربانیەیل جەنگ عراق و ئیران راگەیان، ١٤ روفات لەناویان ناسنامەیان دیارە.  

وەزارەتەگە لە بەیاننامیگ رەسیە ئاژانس شەفەق نیوز وت: وەڕێەوبەرایەتی ماف مرۆڤ لە فەرمانگەی یاسایی وەزارەت وەرگری، ٢٥ روفات شەهیدەیل عراقی دراورد، ٣ روفتیان ناسیایە، و٢٢ روفات ئیرانی  ١١ لەلیان ناسیایە.  و دیاری کرد ک ئەو روفاتەیلە لە کەرت ئۆپراسیۆنەیل بەسرە ومیسان و واست ودیالە پەیا کردیا، و دریانە دەس بەش وەرگردن ووەدەسداین شەهیدەیل لە بەسرە،  تا ئەرا پزشک دادوەری بەغداد پایتەخت کلیان بکریەێد، و وەشکین پزیشکییان تەواو بکەن. 

وتیش: یەیشە لە وەردەوامی کارەیل چاڵکەنین هاوبەش وەگەرد لایەن ئیرانی تیەێد، ئەرا مینەکردن بیسەروشۊنەیل عراقی و ئیرانی لە جەنگ خەلیج یەکەم ١٩٨٠ – ١٩٨٨ ، وباس یادداشتیگ ناوبەین عراق و ئیران کرد لە ساڵ ٢٠٠٨ واژوو کریایە، لە ماوەی ٧ ئایار تا ٣٠ ئایار ٢٠٢٢، وەسەرپەرشتی خاچ سوور.