شەفەق نیوز/ سەرچەوەیگ لە پولیس عراق، ئمڕوو شەممە، خەوەردا لە پەیاکردن تەرم ژنیگ کوشیاگ، و ژنیگیش خوەی کوشتیە، لە دوو شوین جیاجیا لە بەغداد پایتەخت.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم ژنیگ نەناسیاگ تەمەنی ها ناوبەین ٢٠ - ٢٥ ساڵان پەیا کرد، نزیک چەمیگ لە ناحیەی نەهرەوان فڕە دریاگە، و شوین زەخم وەپی بویە.
لە دویداویگتر، خود سەرچەوەگە وت: ژنیگ لەداڵگبوی ساڵ ٢٠٢٢ وە پارچە پەڕوویگ لەناو ماڵەگەی لە گەڕەک زوبات لە قەزای مەدائین لەبان ناکۆکی کۆمەڵایەتی خوەی وەسێدارە کوشتگە.