شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە کوشیان ژنیگ وە گورزیگ ئاسن، وهیزەیل پۆلیس تەقینەوەی بومبیگ لەناوڕاس شار عمارە پویچەڵ کردن.

سەرچەوەگە ئەرا ئاژانس شەفەق نیوز وت: هیزە ئەمنیەیلە تەرم ژنیگ لەناو ماڵیگ ناوڕاس شار عمارە پەیا کردن، وە زەنجیر بەسیاگە، وگورز سەختیگ وە گورزیگ ئاسن دریاسە بان سەری. 

وتیش: هیزە ئەمنیەیلە شۊ ژنە قوربانیەگد دەسگیر کردن، ولێکوڵینەوەیل سەرەتایی دەسنشان ئەوە کەن ک دەسی هاناو ئی رویداوە.  

لە رویداویگ دویەم، سەرچەوەگە وت: بەش دژە هووشبەری لە پۆلیس میسان بومبیگ دانریاگ لە نزیک مەیدان گیرهاوردن ماتۆرسکڵەیل لەیاسا دەرچگ لە ناوڕاس عمارە هەڵگرد، وەبی زەرەد گیانی یا دارایی.  

ودیاری کرد ک بومبەگە فتیلەیگ بوی و ئامادە ئەرا تەقیان کریاگە ئەگەر ئاگری بەێد، و خریاسە کنار ریەگە.