شەفەق نیوز/ هێزەیل پۆلیس عراق، ئمڕوو چوارشەممە، تەرمیگ پەیاکردن ک گلەوخوەد ئەرا یەکیگ لە زندانیەیل خەسخانەی بیماریەیل مێشک و دەروینی لە بەغدای پایتەخت، ماوەی فرەیگە لەبانی چگە و "پرتکیایە".  

سەرچەوەگە وە ئاژانس شەفەق نیوز وت: " تەرمەگە کابرایگە دشداشە (خاکی) و بلوز (سیا) لەوەری بویە تەمنەی نزیک 45 ساڵە، وە دویژی ئی ماوە کارمەندەیل خەسخانەی دەرونیەگە ( سەر وە خەسخانەی رەشاد ئەرا بیماریەیل مێشک) نەزانریایە. 

وتیش، " تائیسە ناسنامەی زیندانیەگە دیار نییە وەپای ئەوەگ هویچ بەڵگەنامەیگ وەپی نەبویە، تا ئیسە ئیدارەی خەسخانەگەیش ناسنامەگەی دیاری نەکردنە".