شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە پەیاکردن تەرم دویەتیگ لەناو ئاوەڕۆ لە باکوور بەغدای پایەخت.
سەرچەوەگە وە ئاژانس شەفەق نیوز راگەیان" هێزەیل ئەمنی، شەوەکی ئمڕوو، تەرمیگ شیەوبوی پەیاکردنە ک خریاسە ناو کونای ئاوەڕۆ (مەنهۆڵ) لە قەزای حوسەینیە باکوور بەغدا.
وتیش؛ تەرمەگە هن دویەتیگە و تەمەنی نیەتوەنریەد دیاری بکریەد لەوەر دیارنەمان شیوەی و دیاریکرد، تەرمەگەی هەڵگیریایە و ئەرا پزیشک دادوەری کلکریاس تا هووکار مردنەگەی دیاری بکریەد.