شەفەق نیوز/ موقەدەم عەزیز ناسر قسەکەر دەزگای چەودیریکردن مناڵی، ئمڕوو پەنجشەممە، راگەیان پەیاکردن تەرم دۊیەت مناڵیگ نەناسریاگ کەفتیەسە وەر شکەنجە و خنکان لە بەغداد پایتەخت.
قسەکەرەگە لە بەیاننامەیگ وت: مەفرەزەیل پۆلیس بەغداد تەرم دۊیەتیگ لەتەمەن پەنج ساڵان پەیا کردن نشانەیل شکەنجە و خنکیان وەپی بۊی، لەیەکیگ لە ناوچە دۊرەیلە فڕەی دریاگە.
لە رووداویگ تر، سەرچەوەیگ ئەمنی وەرپرس ئەرا ئاژانس شەفەق نیوز وت: فەرمانبەریگ لە بەنداو مووسڵ لە تەمەن چل ساڵان لەناو ئاو بەنداوەگە لە مەوقەی ئەرکەگەی خنکیاخ وتیش؛ مەلەوانی لە تەرمەگەی دراوردن ودانەی دەس فەرمانگەی پزشک دادوەری.