شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە پەیاکردن تەرم دەرهێنەر سینەمای عراقی " لوئەی فازل" لەدویای دیارنەمانی ماوەی هەفت رووژ لە بەغدای پایتەخت.
سەرچەوەگە وە ئاژانس شەفەق نیوز وت، لەناو فەرمانگەی پزیشک دادوەری بەغدا تەرم دەرهێنەر سینەمای عراقی لوئەی فازل ناسریاسەو لەناوبەین تەرمەیل نەناسریاگ، لەدویای دیارنەمانی ئەرا ماوەی 6 رووژ، ئاشکەرایکرد هویچ زانیارییگ نییە لەنشان هووکار مردنەگەی.
لەلایگیش عەباس فازل برای دەرهێنەرەگە لە پۆستیگ لەبان تووڕ کۆمەڵایەتی فەیسبووک نویسایە " برا و باوگ و هاورێم مرد و لە پزیشک دادوەری پەیایکردین- برا و باوگ و هاورێم مرد، لە پزیشک دادوەری پەیایکردین".