شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک هێزیگ ئەمنی پەیای تەرم خوەنواریگ کرد، وە شیوەی نادیاریگ لە باشوور بەغدای پایتەخت کوشیاگە.
سەرچەوەگە ئەرا ئاژانس شەفەق نیوز وت : زانیاریەیلیگ رەسین لە تەرمیگ لە ناوڕاس ریەگە لە ناوچەی دۆرە فڕە دریاگە، و وەکوتپڕ هێزیگ ئەمنی رەسیە شۊنەگە، و ئاشکرا کرد ک تەرم خوەنواریگە وەناو (م.هـ.) ک هالە کولێژ فارابی، و خۊن لەسەری دەرچگە.
سەرچەوەگە دیاری کرد بەڵگەیل تاوانی وەشکین ئەرا تەرمەگە کرد، و دەرکەفت ک دریاسە سەری هەنای کەفتیەسە بان کنار ریەگە و مردگە.