شەفەق نیوز/ دەسڵاتدارەیل ئەمنی، ئمڕوو دووشەممە، خەوەردان لە پەیاکردن تەرم کاپتنیگ دەریاوانی خاوەن ناسنامەی سووری لەناو کەشتیگ ئەفریقی لە بەندەر ئوم قەسر لە بەسڕە باشوور عراق.
سەرچەوەگەوە ئاژانس شەفەق نیوز خەوەردا، تەرمەگەئەرا پزیشک دادوەری کلکریاس وە ئامادەبوین پسپۆر توانناسی، وە ئامانج دیاریکردن هووکار مردنەگەی.
سەرچەوەگە دیاریکرد، لێکۆڵینەوەیل وەردەوامە ئەرا ئاشکراکردن رویداوەگە.
لەلایگیش فەرماندەیی پۆلیس بەسڕە راگەیان، کەسیگ وەناو خەلیل عەبدولقادر عوسمان لە داڵگبوی ساڵ 1964 کە کابتن دەریاوانیە لەبان کەشتی ئەفریقی "ئەلحسێن" لە مینار قەسڕ کارکردیە مردیە.
ئاشکرایکد ئەو کەسە ناسنامەی سوریە ناو داڵگی لەمیایە، لەناو کەشتیەگەوە مردگی پەیاکریاس هووکار مردنی تا ئیسە دیاری نەکریاس.