شەفەق نيوز/ وەڕیەوبەرایەتی وەرگری شارستانی، ئمڕوو سێشەممە، کۆنترۆڵکردن تەواو لەبان ئاگر گەورەیگ راگەیان کە لەناو ئەمار گەپیگ ئامێرەیل کارەبایی لە ناوچەی عوێریج لە باشوور بەغداد پایتەخت هیز گرد.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت: تیمەیل وەرگری شارستانی کەفتنە ئامادەباشی وەگەرد هیزگردن ئاگرەگە، و توەنستن ئاگرەگە گیر بارێد و چشتە سزیاگەیل جیاوە بکەن، ئیجا وە راستەوخۆ چگنە ناوڕاس ئاگرەگە، کە وە تەواوی کپیەو کردن وەبی توومارکردن زەخمداری، وەگەرد کەمەوکردن زەرەدەیل دارایی ئەرا خوارترین ئاستی.
وتیش: وەڕیەوبەرایەتیەگە داوای وازکردن لێکۆڵینەوە لە بنکەی پولیس پەیوەندیدار لە ناوچەی جوگرافیای رویداوەگە کرد، و هاوردن پسپۆڕ بەڵگەیل تاوانی ئەرا دیاریکردن مدووەیل بڵویزەکردن ئاگرەگە.