شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە هیزگردن ئاگر گەورەیگ لەناو چیشتەخانەیگ لە شارع فەلەستین بەغداد.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی رەسینە شوین رویداوەگە وتەقەلای کپەوکردن ئاگرەگە دەن.
جی باسە ک رویداوەیل ئاگر لەی ماوەی دویاییە زیایەو بوی، وەگەرد بەرزەوبوین پلەی گەرمی، و وەرگری شارستانی ئوشێد ئەو ئاگرەیلە لەوەر پشتگووشخستن ریسگایل سەڵامەتی و وەکارهاوردن ساندویچ پەنەڵ تیەێد ک وەزوی ئاگر سینێد.