شەفەق نیوز/ وەڕێەوبەرایەتی وەرگری شارستانی، ئمڕوو دووشەممە، کپەوکردن ئاگریگ راگەیان ک لەناو هوتێلیگ لەناوڕاس کەربەلا هیز گردیە.
لە بەیاننامەیگ رەسیە ئاژانس شەفەق نیوز وت: تیمەیلی رویداو ئاگریگ لەناو هوتێل جەنەتولناقر ک چەن قاتیگە لە جادەی وائلی ناوڕاس پارێزگای کەربەلا کپەو کردن، و دیاری کرد ک تیمەیل هوتێلەگە لە میوانەیلی چووڵ کردن، و کۆتایی وە ئاگرەگە هاوردن، وەبی توومارکردن زەرەدەیلیگ گیانی وەگەرد کەمەوکردن زەرەدەیل دارایی.