شەفەق نیوز ـ کەرکوک
سەرچەوەیگ لە وەڕێوەبەرایەتی وەرگیری شارستانی پارێزگای کەرکوک، ئمڕوو شەممە، خەوەردا لە هیزگردن ئاگر "گەپیگ" لەناو کۆمەڵگەی وەرزشی ژنەیل تایوەت وە راهێنان وەرزشیەیل، لە ناوڕاس کویچەی واستی لە ناوڕاس پارێزگاگە.
سەرچەوەگە لە بەیاننامەیگ رەسیە ئاژانس شەفەق نیوز وت، تیم وەرگیری شارستانی دەسوەجی لەدویای رەسین خەوەر ئاگرەگە ئامادەباشی کردن و رەسینە شوین رویداوەگە دەسکردن وە کارەیل کپەوکردن و کۆنترۆلکردن ئاگرەگە، ئەرا سنووردانان درویژەوبوین ئاگرەگە ئەرا بینا و دوکانەیل بازرگانی نزیکی.
ئاشکراکرد، ئاگرەگە لەناو کۆمەڵگەگە هێزگردیە و زەرەد مادی بە شوینەگە و پێکهاتەیل ناوی رەسانییە، تیمەیل کپەوکردن کارکردن ئەرا ئاخڵەدان ئاگرەگە و کۆنترۆلکردنی لەدویایش کارەیل سەردەوکردن ئەرا دڵنیابوین لە دوارەونەوین ئاگرەگە.
دیاریکرد، وەپای زانیاری سەرەتایەیل هویچ زەرەدیگ گیانی توومارنەکریاس تا ئیسە مدوو هیزگردن ئاگرەگە دیارنییە.
وتیش؛ تیمیگ تایوەت دەسکردنە وە لێکۆڵینەوە ئەرا زانستن چۆنیەتی رویداوەگە و دیاریکردن مدوو بڕ زەرەرد مادیەیلی.