شەفەق نیوز/ ئاگریگ لەناوڕاس جادەی ئەبو نوئاس لە بەغداد پایتەخت، ئمڕوو دووشەممە، قەرەباڵغیگ خستە ناو ماشینەیل.
پەیامنێرمان وت: ئاگریگ لەناوڕاس جادەی ئەبو نوئاس پەک جویلەی ماشینەیل خست، و ماشینەیل لەناو جادەگە لەپشتیەک کەڵەکە بوین.
وتیش؛ ماشینیگ پیکاب بار وەپی بویە، بەشیگی سزیایە، ک خاوەنەگەی ناچار بویە ئەو بەش سزیایە لە بارەگەی بخەێدە ناو جادەی ئەبو نوئاس، ک چەن داریگ وەگەرد خوەی سزان.