شەفەق نیوز/ دکتۆر قوسەی ئەحمەدی سەرۆک زانکۆی موسڵ، شەو دووشەممە، ئاشکرا کرد کە ئەو ئاگر کە لە زانکۆگە هیز گرد، نزیکەی ٤٦ دۆنم لە بنچینەی ٤٠٠ دۆنم سزان.
ئەحمەدی ئەرا ئاژانس شەفەق نیوز وت: ئاگرەگە لەناو گژوگیای فرەیگ لەناو زانکۆی موسڵ هیز گرد، و تیمەیل وەرگری شارستانی وە ١٥ ماشین لە فەرمانگەی ئاو و فەرمانگەیل ترەک بەشداری لە کپەوکردن ئاگرەگە کردن، کە زریانەگە هیشت زیاترەو بوود.
وتیش: تیمەیل وەرگری شارستانی تا ساعەت دیریگ کار لە کپەوکردن ئاگرەگە کردن، کە لە پەنج ئیوارەو ئاگرەگە هیز گرد.
ئەحمەدی وتیش: لە کامێرا دیار دەێد کە شۆرتیگ کارەبا لەیەکیگ لە محولەیل ناو زانکۆگە کە پەراشەیگ لەلی کەفێدە زەوی و زاری تونیگ بوی کە هەشت وەزوی بڵویزە بکەێد و فراوانەو بوود.