شەفەق نیوز/ سەرچەوەیگ ئەمنی لە نەینەوا، ئمڕوو چوارشەممە، خەوەردا لە مردن ژنیگ لەناو خەسەخانەیگ لە شار موسڵ، لە ئەنجام کەموکوڵی پزشکی وەگورەی قسەی شویەگەی کە سکاڵای دادوەری لەبان خەسەخانەگە توومار کرد.
سەرچەوەگە ئەرا ئاژانس شەفەق نیوز وت: کابرایگ خەڵک ناحیەی زومار سکاڵای دادوەری لەبان خەسەخانەی سەلام لە موسڵ توومار کرد، دویای مردن ژنەگەی دویەشەو، کە تەمەنی ٣٩ ساڵانە، هەناێ چگە خەسەخانە ئەرا چارەسەری.
سەرچەوەگە دیاری کرد کە هاوڵاتییەگە توومەتبار خەسەخانەگە وە پشتگووشخستن پزشکی کرد، کە بویە مدوو مردن ژنەگەی، وتیش؛ گوایە وتنە چین خوینەگە هن بیمارەگە نەویە.
سەرچەوەگە دیاری کرد کە لایەنەیل پەیوەندیدار چەوەڕی راپۆرت پزشک بکەن تا بڕەسنە بندروس مردنی.