زیادی وە ئاژانس شەفەق نیوز وت، "کەشوهەوای ئاسایی تاوسان وەردەوام بوود، هویچ دروسیگ نەیرێد ک گوایە وڵاتەگە کەفێدە وەر کەشوهەوای خنکینەر و نم بەرزیگ هەر جویر ئەوەگ بڕیگ لە پەڕەیل تووڕە کۆمەڵایەتیەیل باس لەلی کردنە".

دیاریکرد،" داوەزین وای مامناوەند ئەرا نزم وەردەوامە وە تایبەت لەماوەی دوو رووژ ئایندە لەشارەیل ناوڕاس و بەشەیل خوەرهەڵات، بیجگە لە فورات ناوڕاس هاتێ وا وە شیوەیگ وەختانە کەمەوبوود و تەنیا لە رووژ چوارشەممە".

دیاریکرد "وە شیوەی ئاشکرایگ گورجی وا گلەوخوەێد لە گشت شارەیل لەماوەی ئێ هەفتە تا کۆتایی مانگ ئاب"، "ک کاریگەری خاسیگ لەبان کەشوهەوای سرووشتی تاوسان دروس کەێد و پلەی گەرمی نزیکەو بوود لە 47 پلە و کەمتر لە باکوور وڵات، و لە باشوور رەسێدە 49 پلە.