شەفەق نیوز/ مایک پەمپیۆ وەزیر خارجیەى ئەمریکا، پیشوازى لە حکومەت تازە لە عراق کرد وە سەرۆکایەتى مستەفا کازمى سەرۆک وەرین دەزگاى مخابرات و ماوەى وەخشینیش دا بەغدا لە سزایەیل چەسپیاى لەبان ئیران ک دەرفەت ئەیادە عراق غاز و کارەبا لە ئیرانەو هاوردە بکا.

وەزارەت خارجیەى ئەمریکى لە بەیاننامەیگ پیرووزبایى لە کازمى کرد لە پەیوەندییگ تەلەفۆنى لەبارەى وەرگرتن متمانە و ئاگادارى لەوەیش کرد ماوەى 120 رووژ تر دەرفەت وە عراق ئەدریەێد غاز و کارەبا لە ئیرانەو بارێد.

جى باسە، بەیاننامەگە یەیش دەرخست ک وەزیر خارجیەى ئەمریکى ئەرا سەرۆک وەزیرەیل تازەى عراقى وتگە ئى دەسپیشخەرییە ئامانج لەلى دەرخست خواست و ئیرادەیگە لە دەسمیەتداین لەوەر رەخسانن زەمینەى گونجیاگیگ ئەرا سەرکەفتن حکومەتەگەى.