شەفەق نیوز/ وەزارەت گواستنەوەی عراق، وەزوان کۆمپانیای گشتی گواستنەوەی دەریایی، ئمڕوو جومعە، راگەیان پێشوازیکردن لە کەشتیە عراقیەگە '' حەدبا'' ک خڕیگ وەتەواوەتی لە چواردەور زەوی ئەنجام دا، وە روبەر ١٥٤٠٠٠٠٠ میل دەریایی لە جگن و ١٩٢٠٠٠٠٠ میل دەریایی لە هاتن، لە وەرینەی جیوازیگ گواستنەوەی دەریایی عراق لەشیوەی نەدیە. محی دین ئەمارە وەڕیەوبەر کۆمپانیاگە لە مەوقەی پێشوازیکردنی لە بەندەر خۆر زوبەیر لە بەیاننامەیگ رەسیە ئاژانس شەفەق نیوز وت: کەشتی حەدبا سەرکەفتن بیوەرینیگ تۆمار کرد ک کەشتیەیل عراق لەوەینەی نەدینە، ک بارەیل جوورا جوور برد ئەرا گرنگترین بەندەرەیل جهان دویای ئەوە ک دەرچگ لە بەندەر (ئوم قەسر – ئیمارات- کەنەدا- لۆس ئەنجلوس- گواتیمالا- پەنەما- کۆنگۆ- لەیبیریا- بەنگەلادیش- هیند- عومان- سعودیە- بەندەر خۆر زوبەیر) ودیاری کرد ک کەشتیەگە گشت داواکاریەیل رێکخراو دەریایی IMO وەجیهاورد و دەزگای هەڵسەنگاندن فەڕەنسی وداواکاریەیل گشت بەندەرە جهانیەگان لە چگن وەناویان، وتیش؛ وە نیاز بوی ئاهەنگ فراوانیگ ئەرا پێشوازی کردنی ئەنجام بیریەێد، بەڵکم رەوشە تەندروسیەگە وەگورەی رینمایل دەسەی باڵای تەندروسی وسەڵامەتی نیشتمانی لەوەر بڵاوەبوین پەتای کۆرۆنا، ئاهەنگەگە كوڵبڕەو کریا تەنیا لەبان خەڵاتکردن تیم کەشتیەگە.