شەفەق نیوز/ ئەمینداریەتی گشتی ئەنجومەن وەزیرەیل عراقی، ئمڕوو پەنجشەممە، ئاشکراکرد لە وەردەکاری هاوکاری پزشکیە ئیماراتیەگە ک ئمڕوو رەسیە عراق، وئاماژەدا؛ وەهەماهەنگی وەل موستەفا کەزمی سەەرۆک وەزیرەیل ئەنجام دریا.
حەیدەر مەجید قسەکەر وەناو ئەمینداریەگە ئەرا ئاژانس شەفەق نیوز وت: دەوڵەت ئیمارات یەک بار هاوکاری پزشکی ئەرا عراق رەوانەکرد، وئەویش وەهەماهەنگی راستەخۆ وەل موستەفا کازمی سەرۆک وەزیران و ئەمینداریەتی گشتی ئەنجومەن وەزیرەیل و وەزارەت تەندروسی.
وهەمیش وت: بارەگە زیاتر لە ١٠ تەن چشت پزشکی و تەندروسی لەتی بوی و ئامێر هەناسەی دەسکرد و پێویستیه‌یل مقەیەتی.
مەجید دووپاتکرد، ک وەزارەتەگە دویای وەرگردنەگە لە فڕۆکه‌خانەی بار ئاسمانی لە فڕۆکه‌خانەی ناودەوڵەتی بەغداد، دەسکەێدە رەوانەکردنی ئەرا خەسەخانەو ناوەندە تەندروسیەگان ک رەدهەی کەرەنتین تووشهاگەیل ڤایڕۆس کۆڕۆنا هاناویان.
محمد ساڵح تنێجی کارکەر لە باڵیۆزخانەی دەوڵەت ئیمارات، ئمڕوو پەنجشەممە، وت: دەوڵەت ئیمارات ئمڕوو فڕۆکەیگ دەسمیەتی ، ١٠،٥ تەن هاوکاری پزشکی و ئامێر تاقیکردن ئەرا غداد پایتەخت عراقی رەوانەکرد، ئەرا پشتگیری و نواگردن لە بڵاوبەین ڤایڕۆس کۆڕۆنا.