شه‌فه‌ق نيوز/ عه‌بدولڕه‌زا ره‌حمانى فه‌زڵى باس له هاوكارى وه‌رپرسه‌يل له عراق وه‌ل وڵاته‌گه‌ى كرد له‌باره‌ى مه‌راسيم زياره‌ت چله و جه‌خت له‌وه‌يش كرد وه گوورى ريككه‌فتن ئمزاكرياێ وه‌ل عراق ڤيزا له‌دوياى 10ى موحه‌ڕه‌م تا كوتايى مانگ سه‌فه‌ر لاوريه‌ێد.
فه‌زڵى له لێدوانيگ ئه‌را رووژنامه‌نويسه‌يل له‌چوارچێوه‌ى ديدار ناوده‌وڵه‌تى چالاكوانه‌يل له بوار مه‌راسيم چله، وت: ئه‌گه‌ر هاوكارى خاس وه‌رپرسه‌يل حكومه‌ت عراقى نه‌دێ مه‌حاڵه زياتر له دو مليۆن زياره‌تچى له ئيرانه‌و به‌شدارى له مه‌راسيمه‌گه بكه‌ن.
جى باسه، فه‌زڵى ئاماژه هه‌ڵگرتن ڤيزاى وه‌ناوچگن ئه‌را ئيرانيه‌يليش كرد له‌وانه‌گ سه‌ردان عراق ئه‌كه‌ن ئه‌را به‌شدارى له مه‌راسيم چله‌ى ئمساڵ و ئاماژه وه‌يه‌يش كرد وه‌زير ناوخوه‌يى عراقى له هه‌فته‌ى ئاينده سه‌ردان ئيران ئه‌كا له‌باره‌ى دابينكردن ئه‌من و خزمه‌تگوزارى ئه‌را مه‌راسيمه‌گه.