شه‌فه‌ق نيوز/ مازن عه‌بدولمنعم فه‌يلى ئه‌ندام له‌بان فراكسيۆن نه‌هج نيشتمانى، داوا له هيزه‌يل سياسى كرد پشتگيرى حكومه‌ت مسته‌فا كازمى سه‌رۆك وه‌زيره‌يل بكه‌ن ئه‌را روێ وه‌ڕوێ بونه‌وه‌ى ئه‌و سه‌ختيه‌يله ك ئه‌ياده تويش وڵاته‌گه.
فه‌يلى ئه‌را شه‌فه‌ق نيوز وت: كابينه‌ى وه‌زارى كازمى ره‌زامه‌نى نزيكه‌ى 60 له‌سه‌د هيزه‌يل سياسى وه‌ده‌سهاوردگه، وه‌لێ بارودوخ و سه‌ختيه‌يليگ ك تويش وڵاته‌گه بوونه‌وه داواى ئه‌وه ئه‌كا گشت هيزه‌يل سياسى پشتگيرى له حكومه‌ت بكه‌ن و دوير بگرن له ناكووكى سياسى له‌وه‌ر خاتر به‌رژه‌وه‌ندى وڵات و هاووڵاتى.
جى باسه، فه‌يلى هه‌ميش وت: نه‌بايه‌د زوێ حوكم بدريه‌ێد له‌بان چاره‌نويس حكومه‌ت كازمى ئه‌گه‌ر ده‌رفه‌ت خاسيگ وه‌پى نه‌دريه‌ێد ئه‌را ئسپات وجوودى و ئه‌وه‌گ پيشكه‌شى وه هاووڵاتى ئه‌كا له سه‌رجه‌م كه‌رته‌يل جياجيا.