جومعه‌ له‌ به‌ياننامه‌يگ ئه‌را(شه‌فه‌ق نيوز)وت: زويتر داوا له‌ حكومه‌ت جيوه‌جيكار كرديمنه‌ مامڵه‌كردنى وه‌ل هيزه‌يل هاوپه‌يمان ناوده‌وڵه‌تى بووسنيد له‌وه‌ر ئه‌وه‌گ پشتگيرى له‌ داعش ئه‌كا و هه‌ر ئه‌وانن ك ترس ئه‌خه‌نه‌ دڵ هيزه‌يل چه‌كدارمان، وه‌لى حكومه‌ت عراقى ئى مه‌سه‌له‌ ره‌ته‌و كرد.

جومعه‌ هه‌ميش وت: له‌ى ماوه‌ى دوياخره‌ فيشتر له‌ به‌ڵگه‌يگ وه‌ ره‌سم و گرته‌ى ڤيديۆيى و شايه‌تحاڵ ئسپات ئه‌وه‌ كرد ك هاوپه‌يمان ناوده‌وڵه‌تى پشتگيرى له‌ داعش ئه‌كا، وه‌لى له‌يوا دياره‌ قسه‌يلمان هويچ فايده‌يگ نه‌يريد و هه‌ر له‌وه‌ر ئه‌ويش داوا له‌ ليژنه‌ى وه‌رگرى و ئاسايش ئه‌كه‌يم دانيشتنيگ له‌ى باوه‌ته‌و ساز بكاو بڕياريگ ده‌ربكا ئه‌را يه‌كلاكردنه‌وه‌ى ئى مه‌سه‌له‌ تا ئه‌نجومه‌ن نوێنه‌ره‌يليش دانيشتن خوه‌ى ساز بكاو حكومه‌ت عراقى وه‌ بڕياريگ پابه‌ند بكا.

ج . أ