شه‌فه‌ق نيوز/ ئه‌ندامه‌يل ئه‌نجومه‌ن ناوده‌وڵه‌تى ئاگادار حكومه‌ت ناوه‌ندى كردن له‌بان جيوه‌جيكردن مادده‌ى 140 له ده‌ستوور هه‌ميشه‌يى عراق.
ئه‌ندامه‌يل شاند ئه‌نجمه‌نه‌گه له كۆنگره‌يگ رووژنامه‌گه‌رى له به‌غداى پايته‌خت باس له‌وه كردن ك ئه‌نجومه‌نه‌گه پشتگيرى تيم ناوده‌وڵه‌تى ئه‌كا ئه‌را په‌يجوورى له‌و تاوانه‌يله ك ريكخرياگ داعش له عراق ئه‌نجاميان داگه‌و پشتگيرى خوه‌يانيش ئه‌را ئاوه‌دانكردنه‌وه‌ى ناوچه‌يل ئازاكرياێ نيشاندان وه‌ل خواست مقه‌يتيكردن له سه‌قامگيرى عراق وه‌و جووره‌گ پايه‌ى خوه‌ى له ناوچه‌گه‌و جه‌هان بارێده‌و.
له‌باى مادده‌ى 140 له ده‌ستووريش، ئه‌ندامه‌يل ئه‌نجومه‌ن ئاسايش وتن: ئى باوه‌ته وه‌ل شماره‌يگ له وه‌رپرسه‌يل عراقى باس كرياگه‌و باسيش وه‌ل نێرده‌ى نه‌ته‌وه‌يل يه‌كگرتگيش كرياگه‌و ئيمه‌يش پشتگيرى له جيوه‌جيكردن ده‌ستوور هه‌ميشه‌يى وڵاته‌گه ئه‌كه‌يم و هان پابه‌ندبوين وه‌پيه‌و ئه‌يه‌يم.