شەفەق نیوز/ دەیان لە فەرمانبەرەیل گیرەبەس لە وەزارەت کەهرەبا، ئمڕوو سێشەممە، خۆپیشادان کردن لە وەردەم ناوچەی خەزڕا و داوا لە حکومەت و وەزارەت کەهرەبا و دارایی کردن ئه‌را خەرجکردن مووچەیل وسیاگیان لە هەیشت مانگ وەرینەو.
ناڕەزایەیل وەگورەی پەیامنێر ئاژانس شەفەق نیوز، داواکردن گریەبەس وەبەرهەمهاوردنیان ئاڵشت بکەنە وەکارهاوردن، لە بوودجە گشتیەگە.
وەزارەت کەهرەبا لە مانگ نیسان وەرینەو، توانا نەیرێد لە خەرجکردن مووچەی ٩٠ هەزار فەرمانبەر گریەبەس و روژانەکار، ک فەرمانبەری کریان لە سەردەم لوئەی خەتیب وەزیرە وەرینەگە، ک چەنجاریگ دووپاتکرد ک خوەی خەریکە ئەرا چارەسەرکردن ئی گیچەڵە تەقەلا كەێد.
کارمەنەیل گریەبەسیەگە لە وەزارەت کەهرەبا لە ناوچەیل جوروه‌جوور عراق، لە ماوەیل وەرین، خۆپیشاندانەیل ناڕەزایەتی رێکخستن، و مانگگردن ئەرا داواکاریەیلیان کردن، وەبی ئه‌وه ئه‌نجامێگ داشتوود.