له‌ى باوه‌ته‌و، سه‌رچه‌وه‌يگ له وه‌رگرى شارستانى ئه‌را(شه‌فه‌ق نيوز)وت: ده‌مه‌و شه‌وه‌كى ئمڕوو ئاگريگ له‌بازاڕ شۆرجه له به‌غدا كه‌فته‌سه‌وه‌و بڕيگ له دوكانه‌يل بازرگانى سزانگه.
سه‌رچه‌وه‌گه يه‌يش ده‌رخست ك سه‌ياره‌يل ئاگركوشنه‌وه يه‌كسه‌ره ره‌سينه‌سه شوون رويداگه‌گه‌و تويه‌نستنه ئه‌و ئاگره بكوشننه‌و ك وه بوونه‌ى شۆرتكردن كاره‌باوه ئه‌نجام گرتگه‌و يه‌يش يه‌كمجار نيه له‌يوا رويداگيگ له‌و بازاڕه ڕوى بيه‌ێد، به‌ڵكوو چه‌ن جاريگ تر ئه‌و بازاڕ گه‌ورا ئاگر گرتگه‌و زه‌ره‌د ره‌سانه‌سه دوكانه‌يل بازرگانى.