شەفەق نیوز/ لە ده‌مه‌و شه‌وه‌كیان ئمڕو یەکشەممە، نەناسریایەلیگ ئاگر نانە بارەگای بزوتنەوەی عەسایب ئەهل حەق وەسەرپەرشتی قەیس خەزعەلی، لە پارێزگای میسان باشوور عیراق.
جواد تلێباوی وەرپسیگە لە بزوتنەوەگە ناڕەزایه‌تی لەبان ئی کارە نیشانداو وت؛ دووارە جۆکەریەگان سەروە ئەمریکا دەسدریژی كردنه بان لانەی پاڵەوانەیل و قوربانی دەرەیل، بارەگای بزوتنەوەی عەسایب ئەهل حەق لە میسان، وپەردبوونە ناوی وسزاننه‌ی ، هرچەن کەس لەتی نیە.
وتیش؛ ئەی جۆکەریەیلە وەی کار ناشرینانە فەرمان ئه‌مریكای ئاغایان جیوەجی کەن، ک نەتویەنستن رویوەری پیاوەیل بەرخودان بوون لەمەیدانەیل جەنگ، دووارە مناڵەیلیان کلکردن ئەرا ئاگردان بارگای بزوتنەویل بەرخودان، جوور سزانن جاران. ،
تلێباوی هەمیش وت؛ لەوەختیگ بزوتنەوەی عەسایب ئەهل حەق ناڕەزایەتی خوەی نشان ده‌یه‌د لەبان ئی پەلامارە، داوا لە هێزەیل ئەمنی کەێد کارخوه‌یان بارنە جی ئەرا نواگردن وسزادان پەلاماردەرەیل و لەیاسا دەرچگەیل، ودەسوەسەریان بکەن وە شیوەیگ زویتر لە دەسوەسەرکردن ئەوانەگ بەرگری لە بارەگای خوەیان کەن.