شەفەق نیوز/ سەرچەویگ ئەمنی، ئمڕوو دووشەممە، باس کرد ک ئاگریگ لە ناو زیندان ئەبوغرێب كه‌فتیه‌سه‌و له‌ خوەرئاوای بەغداد. سەرچەوەگە ئەرا ئاژانس شەفەق نیوز وت؛ ئاگریگ کەفتە ناو قەیریگ گژوگیا لەناو زیندانەگەی ئەبوغرێب. سەرچەوەگە وتیش؛ روداوەگە کۆتایی وەپی هات دویای سزانن گشت گژوگیاگە وەل کەرەڤانیگەو وەبی زیان ئایەمی.
زیندان ئەبوغرێب ک ئیسە ناوی بویەسە زیندان ناوەندی بەغداد، کەفێدە نزیک ئەبوغرێب ک ٣٢ کلم دویرە لە بەغداد.
لە رویداویگ جوور ئەوە، ئاگریگ كه‌فته‌ ناو کولێژ زانکۆیی لە پارێزگای بابیل، وتیمەیل بەرگری مەدەنی هەوڵدان کۆنتڕۆڵی بکەن. سەرچەوەیگ لە بەرگری مەدەنی وت؛ ئاگرەگە لاناو کافیتیریای زانکۆگە بویەو هیمان تیمەیل بەرگری مەدەنی خەریک کوشانەوەین. عیراق لە هاتن وەرز تاوسان وبەرزی پلەی گەرمی ئاگر فرەیگ وه‌خوه‌ی دوینێد، لە شوینەیل بازرگانی و پیشەسازی و لەبازاڕەیل وبینا حکومیەگان، ک زەرەدەیلی رەسێدە مەلیۆنەیل دۆلار.