شەفەق نیوز/ سەرچەوەیلیگ لە مەیدان تەحریر ناوڕاس بەغداد پایتەخت، ئمڕوو پەنجشەممە، خەوەردان لە ئازادکردن دوو چالاکوان لە خۆپیشاندانەگە دویای چەن ساعەتیگ لە رفاننیان لە مەیدان تەحریر ناوڕاس بەغداد.
وەرجەیە، سەرچەوەیلیگ ئاگادار، لە وەختیگ گوزیشتە خەوەر دان ک کۆمەڵیگ چەکدار وماشینیگ مارکەی مەهاڤی رەنگ چه‌رمگ، وە هەڕەشەی چەک لەناوڕاس مەیدان تەحریر ناوەند خۆپیشاندانەگان بەغداد '' حەمزە کازم'' و '' علی خالد'' چالاکوانەیل ناو ناڕەزایەتیەگان رفانن.
بەڵکم سەرچەوەیلیگ لە مەیدانەگە خەوەردانە ئاژانس شەفەق نیوز ک چەکدارەگان ''کازم'' و ''خالد'' ئازاد کردن وە بی ئازاردان وئیسە هەردوگیان هانە ناو خۆپیشاندەرەیل لە مەیدان تەحریر.