شه‌فه‌ق نيوز/ شێخ عه‌لى سه‌ماوى پياو ئايينى عراق، مشتومڕيگ دروس كرد له‌ئه‌نجام په‌لاماريگ دژ رێ وشوونه‌يل حكومه‌ت له‌باره‌ى روێ وه‌ڕوێ بونه‌وه‌ى ڤايرۆس كۆرۆنا.

ره‌خنه‌يل سه‌ماوى له‌ وانه‌وتنه‌وه‌يگ ئايينى هات و له‌تى ئه‌و كه‌سه‌يله‌ گرته‌ ئامانج ك داواى ئه‌وه‌ ئه‌كه‌ن گردوبه‌ينه‌وه‌ى جه‌ماوه‌ى نه‌كريه‌ێد و مه‌زارگه‌ى ئيمام عه‌لى و مه‌زارگه‌يل تر ئايينى ده‌رمان رشن بكريه‌ن و پاكه‌و بكريه‌ن.

سه‌ماوى وت: ئايا ئه‌دێ واز له‌ دانيشتنه‌يل حوسه‌ين و دوعا و نماز جومعه‌ باريم و نه‌تويه‌نيم ماچ ده‌روه‌چه‌ى ئيمان بكه‌يم له‌وه‌ر وجوود ميكرۆب؟.

سه‌ماوى وت: من دڵم له‌تاو ئى په‌تا و هويچ نه‌خوه‌شييگ تر ناله‌رزێد و نه‌خوه‌شيگ ئه‌رام بارن با ماچ ده‌مى بكه‌م ئه‌گه‌ر دووس حوسه‌ين ديرێد و رخم له‌ جيوازبوين نه‌خوه‌شيه‌گه‌ى ناچێد و ئيمه‌ ته‌نيا په‌يوه‌سبوين وه‌ حوسه‌ين ئه‌رامان مه‌نده‌سه‌وه‌و ئه‌وانيش ئه‌خوازن واز له‌لى باريم.