شه‌فه‌ق نيوز/ فه‌رمانگه‌ى ته‌ندروستى دياله، ئاشكراى تۆماركردن 8 تويشبوين وه ڤايرۆس كۆرۆنا كرد.
فه‌رمانگه‌گه له به‌ياننامه‌يگ ئه‌را ئاژانس شه‌فه‌ق نيوز وت: 46 وشكانن له تاقيگايه‌يلمان ئه‌نجام دريانه و ته‌نيا يه‌ك حاڵه‌ت له قه‌زاى شاره‌بان له‌تيان بويه و 7 حاڵه‌تيگ له تاقيگايه‌يل به‌غدا ئه‌نجام دايمنه ك تويش بوينه‌و وه‌يه‌يش جه‌م گشتى ره‌سيه‌سه 8 حاڵه‌ت تويشبوين ك چوار له‌لى له قه‌زاى خاڵس و دووان له گسێرين و يه‌كيگ له ناوچه‌ى ساده له باقووبه‌و يه‌كيگ له شاره‌بان.
لاى خوه‌ييشه‌و، شار پزيشكى له به‌غدا له به‌ياننامه‌يگ ئاشكراى خاسه‌وبوين 42 حاڵه‌ت تويشبوين وه ڤايرۆس كۆرۆنا كرد له ماوه‌ى 48 سه‌عات گوزه‌يشت.