شەفەق نیوز ـ بەسرە
قەزای زوبێر لە پارێزگای بەسرە باشوور عراق، هەفت حالەت دووپاتکریاگ وە تەو خوینوەربوین دووپاتکرد، لە هەمان وەخت لایەنەیل تەندروسی رێکار پێویست وەرگردنە ئەرا نواگیرکردن لە بڵاوبوین بیماریەگە.
سرچەوەیگ پزیشکی تایبەت وە ئاژانس شەفەق نیوز وت، "زوبر هەفت حالەت تویشهاتن وە تەو خوینوەربوین توومارکردیە لە ماوەی ساعەتەیل وەرین" وتیش " گشت تویشبویل بریانەس خەستەخانە، ئیرنگە هانە ژیر چەودێری رێکارەیل پزیشکی پێویست ئەرایان کریاس".
لای خوەیەو عەلی عەبادی، سەرۆک لیژنەی تەندروسی لە ئەنجوومەن پارێزگای بەسرە وە ئاژانس شەفەق نیوز راگەیان، "ماوەی جاریگ تویشهاتن حالەتەیلیگ روی دەێد"وتیش "لە گوزەشتە هووشداری دایمنە لە ئەوزەڵکردن ئێ پرس تەندروسی رخدارە".
ئاشکرایکرد "لیژنەگە چەندین جار فەرمان وە فەرمانگە پەیوەندیدارەیل کردیە، وەتایبەت شارەوانی، کە ڕۆڵ خوەیان دوینن لە بەرەنگاربوین لەوەڕانن هەڕەمەکی و وەرگردنرێکارەیل وەرانوەر دیاردەگە کە بەشدارە لە بڵاوبوین تەو خوینوەربوین".